За анхлан хэрэглэж байгаа хүмүүст зориулаад ганц нэг зөвлөгөө өгье.

1а. Сайн мэдэхгүй л байгаа бол update, upgrade гэх мэт үгнээс болгоомжтой ханд. Компьютертаа залгах эсвэл iTunes нээхэд ийм үг гарч ирж байвал No, Cancel гэсэн сонголтуудыг л сонгоод байх хэрэгтэй. Учир нь update, upgrade-ууд нь Apple шинэ хамгаалалтуудыг багтаасан байдаг бөгөөд Jailbreak, Unlock-ыг чинь арилгаад буцааж ч болохгүй болгочихдог.

1б. За тэгэхээр ямар нэгэн байдлаар update, upgrade хийх бол SHSH blob гэдэг юмнуудыг сайн хадгалж авч байх хэрэгтэй. http://ipwn3r.blogspot.com/2010/10/shsh-blobs.html эндээс тодорхой уншиж болох нь ээ.

2. Jailbreak гэж юу вэ? гэж үү? Jailbreak (jail-шорон, break-эвдэх) гэдэг нь Apple-ын хийсэн хаалтуудыг эвдэж iТөхөөрөмжийг чинь шоронгоос суллаж илүү олон боломжийг нээж өгдөг. Үүнийг хакер нөхдүүд хийж интернетээр бэлдэж өгдөг бөгөөд бид тэр заавар зөвлөгөөг нь дагаж, бэлдэж өгсөн хэрэгслээр нь төхөөрмжөө шоронгоос сулладаг. Мэдээж 100% гэсэн баталгаа энд өгөгдөхгүй. Эрсдлээ өөрөө хариуцаад хэрэглэнэ гэсэн үг.

3. Unlock гэж юу вэ? гэж. Unlock (un-үгүй, lock-түгжээ) Гадаадаас орж ирж байгаа утаснууд нь тухайн улсын зөвхөн нэг гар утасны компанийн сүлжээнд л ашиглаж болохоор хоригтойгоор үйлдвэрлэгдсэн байдаг. Тэр түгжээг нь тайлж Монголын mobicom, unitel-д ашигладаг болгож байгааг нь unlock гээд байгаа. Мэдээж хувилбар шинэчлэлт хийгээд unlock-гүй болгочихоод iPhone-оо гар утас биш яг iPod touch шиг болгочих тохиолдол бий. Тэгэхээр 1-рхийг дахин уншаарай хэхэ

4. iTunes гэж юу вэ? За энэ бол Apple-аас гаргасан програм бөгөөд iТөхөөрөмж рүү дуу, програм болон бусад зүйлсийг компьютераас хийдэг програм юм. Энэ програмаар iTunes App Store гэдэг рүү орж төхөөрмждөө янз бүрийн програм, тоглоом татаж суулгаж болдог. Үнэтэйг нь худалдан авах шаардлагатай байдаг ба, үнэгүй програмууд бас нэлээн их байдаг. Татахын тулд бүртгэл хэрэгтэй болох ба бүртгүүлэх хэрэгтэй. Мөнгө төлөлгүй бүртгэл үүсэх нь жаахан төвөгтэй байдаг ба хэрхэн үүсгэх талаар заавар энд бий.
Бас wifi буюу утасгүй интернет сүлжээтэй бол шууд iТөхөөрөмж дээрээсээ шууд app store нээж програм татаж суулгаж болно.

5. Cydia гэж юу вэ? Cydia гэдэг нь Jailbreak хийсэн утаснуудад суух боломжтой бас Apple App Store шиг програм суулгагч юм.

6. Wifi утасгүй интернет байхгүй нөхцөлд notebook-тэй хүмүүс adhoc bridge холболт үүсгэж нөүтбүүкнийхээ интернетээр wifi үүсгэн iDevice-аараа интернет рүү холбогдож болдог. Зааврыг эндээс үзэж болно.

7. Монгол гарын драйвер суулгахын тулд jailbreak хийх шаардлагатай. Заавар нь энд бий.

8. i-Funbox гэх мэт хэрэгтэй амар програмууд байдаг. Олоод туршаад өөрт таалагдсаныгаа хэрэглэж байж болно