Миний бодлоор Apple корпорац алдаа хийж байх шиг...

Юу гэх гээд байна вэ гэвэл iPod nano 1G хувилбараас хойших iPod-ууд firmware буюу доторх өөрийнх нь програм нь тусгай нууц кодлолтой (encrypted) болсон. Энэ нь iPod nano 1st generation загвараас хойших iPod-ууд дээр iPodLinux, Rockbox зэрэг өөр систем суулгах, firmware-ыг нь дураараа өөрчлөх, хэлийг солих г.м өмнөх загваруудад байсан боломжуудыг хааж байгаа юм. Уг нь эрх чөлөө олгож байснаараа iPod хамгийн шилдэг нь байсан гэж бодох юм. Одоо харин боогдмол, хязгаарлалтуудтай болж ирлээ. Apple PC дээр линукс, эсвэл Windows суулгах боломжгүй болгож байгаатай адил хэрэг. Apple компьютер ашигладаг хүмүүсийн цөөнгүй хэсэг нь эдгээр үйлдлийн системийг давхар суулгаж хэрэглэдэг.

Магадгүй iPod-ыг хямдхан гаргаад бусад нэмэлт төхөөрөмжүүдийг болон Apple Store-оор програм аппликэишионуудаа үнэтэй зарж ашгаа нөхөж олох менежменттэй байх. Харин linux, Rockbox гэх мэт нээлттэй эхийн үйлдлийн системүүд гарч ирснээр Apple Store-ыг үнэгүйдүүлсэн байх л даа.

Ямартай ч миний хувьд iPod classic 80Gb их сайхан сонсогдож байгаа ч Rockbox суухгүй, нээлттэй эхийн үнэгүй програм, тоглоомуудыг биш заавал Apple Store-оос үнэгүй тоглоом энэ тэрийг сонгох, улиг болсон нэгэн хэвийн өнгө зүс нь, эрх чөлөөгүй байх нь таалагдахгүй байна. Дараагийн удаад хэрэв дуу тоглуулагч сонгох бол хэдий сайн, сайхан ч гэсэн шинээр гарсан iPod, iPhone лав миний сонголт биш. Хуучин iPod-oo дахин сонгох эсвэл түүнээс илүү олон үйлдэлтэй, илүү сайн хятад утас, тоглуулагчид ч хүртэл байна. Гэм нь доторх багтаамж нь л бага. Гэхдээ бага зэрэг мэдлэгтэй бол доторх дискийг нь сольчихож болох байх гэж бодож байгаа. Иймэрхүү зүйл сонирхдог бол оролдоод үзэж болох байх Лав л нэг найзын хятад утас нь FM сонсоод, TV үзээд байгаа. Бас харьцангуй хямдхан гэж байгаа.
Мөн panasonic, sony, iRiver г.м сонголтууд байгаа байх.

Нэмэлт мэдээлэл:
Rockbox 3.1 хувилбар гарсан байгаа шүү: http://www.rockbox.org/download/ Хэрвээ та rockbox хэрхэн суулгах талаар сонирхож байвал манай блогийн хуучин бичлэгүүдээс хайж олоорой.