2009 оны 8-р сарын 31-нд гэхэд долоо хоногийн төгсгөлөөр Sony Walkman W-series загварын чихэвчний хөгжим, чихэвчний хөгжмийн зах зээлийн 43%-г эзэлж, Apple iPod 42.1% болж доошилсон байна. W-загварууд 1980-аад оны Sony Walkman-ы амжилтыг дахин зах зээлд давтах гэж байна уу?

Одоогоор энэ байдал зөвхөн Японд болж байгаа ч Apple-н явуулж буй хаалттай бодлого, маркетинг нь iPod-ын нэр хүндийг унагаж байгааг харуулж байгаа болов уу. Нэгэнт үйлдвэрээс авсан хэвээр нь ашиглах л юм бол загвар дизайн, авсаархан байдлын хувьд хамаагүй илүү бас хямд Sony сонгосон нь дээр байх.
Олон хүн надаас сүүлийн үеийн iPod янзлах, ямар нэгэн байдлаар өөрийнхөөрөө өөрчлөх боломжтой юу гэж асуудаг. Харамсалтай нь хариу ҮГҮЙ боломжгүй юм. iPod нано 1st Generation загвараас хойших бүх загварт ийм боломжууд хаалттай болсон. Урьд нь бидний хувьд сонирхолтой тоглоом байсан бол одоо зүгээр л нэг чихэвчний хөгжим болсон гэсэн үг. Тэгэхээр дараагийн удаа чихэвчний хөгжим сонгох гэж байгаа бол илүү дизайн сайтай, илүү авсаархан Sony Walkman-ыг манай блогийн зүгээс ч та бүхэнд санал болгож байна.
Блог маань ч нэрээ өөрчлөн Монгол iPod биш Чихэвчний хөгжим блог гэсэн нэртэй боллоо.